ಪ್ರೀತಿ ಮುದುಡಿ ಕುಳಿತಿತ್ತು

ಪ್ರೀತಿ ಮುದುಡಿ ಕುಳಿತಿತ್ತು

ಬಿಡಿಸಲಾಗದ ಬಂಧನಗಳು
ಇವು ಬಾಳಿನ ಒಗಟುಗಳು
ಹುಟ್ಟಿನೊಡಗೂಡಿ ಬಂದವು
ಒಂದರೊಳಗೊಂದು ಬೆಸುಗೆಯಲಿ
ದೇಹಕೆ ಯವ್ವನ ಅಂಕುರಿಸಿ ಸೇರಲು

ಕಾಯ , ಕಾಮದ ಹಸಿವು ಹಂಬಲಿಸಿತು
ಇದಕೆ ,ಮಡದಿ ಮೋಹದ ಕೊಂಡಿಸೇರಿತು
ಅದಕೆ , ಕಾಂಚಾಣದ  ಮೋಹ ಪುಟಿಯಿತು
ಮನವು, ಸಕಲೈಶ್ವರ್ಯದ ಪ್ರಳಯ ನರ್ತನಗೈಯಿತು
ಇದು ,ಮಡದಿ ಮಕ್ಕಳ ಮೋಹದ ಪಾಶಕೆ ದೂಡಿತು

ಇದುವೆ ವಿಭಕ್ತಕುಟುಂಬಗಳ ಸೃಷ್ಟಿಗೆ ನಾಂದಿ
ಭಗಿನಿ ಭಾತೃ ತಾಯಿ ಮಮತೆ ಸಡಿಲಿಸಿ
ಬೆಳೆಯುತ್ತ ಬೆಳೆಯುತ್ತ ದಾಯಾದಿಗಳು
ಮನ ಮಿಡಿದು ಮೌನ ರೂಪ ತಾಳಿತು
ಈ ಚೌಕಟ್ಟಿನಲ್ಲಿ ಪ್ರೀತಿ ಮುದುಡಿ ಕುಳಿತಿತ್ತು

*****
ಪ್ರಹ್ಲಾದ್ . ವಾ . ಪತ್ತಾರ